LOOK: 742 beneficiaries ti immawat ti TUPAD payout ti ili ti Cabugao. Sag 4350 pesos ti inawat dagiti TUPAD beneficiaries manipud 11 a barbaranggay ti ili. Isuda ti Barangay Alinaay, Aragan, Quezon, Rizal, Bato, Caellayan, Cuantacla, Daclapan, Pila, Sisim ken Turod-Patac.
Indauloan ti DOLE Ilocos Sur Field Office ti panagiwaras ti payout. Inmatangan daytoy da Congressman Ronald Singson, Congresswoman Richelle Singson ti Ako Ilocano Ako Partylist, SPM Doc Art Oandasan, SPM Third Ranches, Mayor Josh Edward Cobangbang ken Quezon Barangay Captain Edmund Sonico.
Inpalawag ni DOLE OIC Provincial Director Charity Ubilas a ti nasweldo dagiti beneficiaries ket ti kaibatogan ti 10 nga aldaw a panagtrabaho da.
Iti mensahe ni Congressman Ronald Singson, dinakamat na a dakkel a tulong nga adda ti kanayonan a kongresista ti Ilocos Sur a ni Congresswoman Richelle Singson ti Ako Ilokano Ako Partylist a makaguyod pay ti ad-adu a pondo tapno maipaay kadagiti kaprobinsyaanda ti Ilocos Sur.
Inpakaammo met ni Congresswoman Richelle Singson a maragsakan isuna ti pannakaipaay na ti tulong kadagiti taga Cabugao, ken kinunana pay a maysa daytoy kadagiti aramiden da tapno makaipaay ti tulong kadagiti pamilya para iti inaldaw a panagbiag da.
Nagyaman ni Mayor Josh Edward Cobangbang ti DOLE ken da Congressman Ronald ken Congresswoman Richelle ta ti Cabugao ti kanayon a kaadduan ti bilang ti beneficiaries ti tunggal adda payout ti ili, ken kaadduan kadagiti recipients iti adu pay a programa nga ipapaay ni Congressman Ronald ti probinsya kas ti sektor ti mannalon, mangngalap ken dagiti senior citizens.
16 May 2024 : Cabugao
