LOOK: Naaramid ti napaingetan a pannakaited ti Oral Polio Vaccine ken panagbakuna kadagiti barbaranggay ti ili.
Naaramid ti aktibidad manipud idi May 6 agingga iti May 24. Kangrunaan a naipaayan ti serbisyo ti house to house a panagbakuna ket dagiti barangay nga adu ti agkasapulan ti bakuna ken dagiti barangay a bassit ti bilang dagiti nakabakuna pay nga ubbing.
Nagyaman ni Mayor Josh Edward Cobangbang ti dedikasyon ti Municipal Health Office ti trabaho da a mangidanon kadagiti bakuna kadagiti maladaga a kayyanak agingga’t uppat ti tawenna. Inpakaammo na kadagiti kakailian a silulukat ti RHU para kadagiti mayat a mapan mangipabakuna kadagiti annak da no awanda bayat iti schedule ti panagbakuna ti RHU iti barangay da.
May 2024