LOOK: Naaramid iti Local Council for the Protection of Children (LCPC) and Local Council for Anti-Trafficking for Women and Children (LCAT-VAWC) 2nd Quarter CY 2024 Joint Meeting.
Ti taripnong ket nakipasetan da SBM Danni Rica Magdato, Chairperson ti Committee on Women, Children and Family, SBM Vicky Serna, Chairperson ti Committee on Social Services, MLGOO Eloisa Rigucera, MSWDO Criselda Navarro, MHO Dr. Vanessa Sablay, Child Representative Princess Rochelle Sunio, dagiti nagduduma a Department Heads ti LGU, Cabugao PNP, RIC ken MTC.
Karaman kadagiti natratar ket ti manamnama a pannakabangon iti Reppaac Child Development Center.
Naragsak met a naipakaammo ti pannakaipaay ti hearing aid ti 3 nga ubbing a PWD iti naaramid a Hearing Mission idi June 15, 2024 nga inpaay ti Starkey babaen iti partnership da iti Provincial Government of Ilocos Sur.
Kabayatanna, inpakaammo ti MSWDO nga agaw-awat da iti aplikante para iti Foster and Adoption. Naipakaammo nga addan iti lima nga applicants for adoption iti agdama.
Inpakaammo met ti MHO ti agtultuloy a panangipatungpal da iti National Immunization Program ti DOH no sadino a maipaayan ti bakuna dagiti kayyanak, maladaga ken ubbing.
Kinuna ni Mayor Josh Edward Cobangbang a babaen kadagitoy a taripnong ket maammoan ti annayas ti pannakaipatungpal kadagiti programa ti tunggal sektor.
20 June 2024
Cabugao