LOOK: JOY is here!
Naragsak ken narambak ti naaramid a store blessing ti Jollibee Cabugao.
Dinar-ayan daytoy ni Governor Jerry Singson, Vigan City Mayor Jose “Bonito” Singson Jr, Cabugao Municipal Mayor Josh Edward Cobangbang, Sinait Municipal Mayor Glenn Guzman ken San Juan Municipal Mayor Elaine Sarmiento.
Nakipaset pay ti store opening dagiti Sangguniang Bayan Members ti Cabugao nga idadauloan ni Vice Mayor Edgardo Cobangbang Jr, ken ti Municipality of San Juan nga idadauloan met ni Vice Mayor Benjamin Sarmiento Jr.
Indauloan ni Fr. Bong Realin ti store blessing. Kalpasanna, naaramid iti panagibitor iti candies ken coins.
Dinakamat ni Governor Jerry Singson a ti pannakalukat ti Jollibee Cabugao ti mangirugin iti alisto a panagdur-as ti komersyo ken ekonomiya ti ili.
Inpakaammo met ni Mayor Bonito Singson a kas President ken CEO iti BCS Group of Companies nga ikagumaan ti kompanyada babaen kadagiti Jollibee stores ti tumulong ti komyunidad babaen iti panagserbi iti naimas a Jollibee products kadagiti customers da.
Nagyaman ni Mayor Josh Edward Cobangbang iti amin a dimmar-ay iti store blessing a mangisimbolo iti suportada iti pannakabangon ti store.
Iti panagsarita ni Ma’am Joselle Carissa Singson, Jollibee Franchisee, kinunana nga adu ti pagyamanan da iti pannakabangon ti Jollibee store ti Cabugao manipud iti panagplano, pannakapatakder agingga iti store opening.
Kabayatanna, inpakaammo ni BCS Group of Companies Managing Director Louvel Ngo a daytoyen ti pannakatungpal ti arapaap ti kompanyada a makapaadda iti Jollibee store ti Cabugao. Kinunana a nagbungan ti sakripisyo na iti pannakisaritana kenni Mayor Josh sipud pay 2018.
Inpakaammo met ni Ma’am Diane Palatao, Operations Director ti Jollibee North Luzon District 1 a nagasat ti Cabugao gapu ta isu ti maika 7 a store a nabangonda ken maika 13 iti Ilocos. Kinunana a maragsakanda iti pannakaidanon ti Jollibee store ditoy ili ti Cabugao ken iti suporta dagiti Municipal Mayors ti ili ti San Juan ken Sinait a kabangibang nga ili ti Cabugao.
Naiyam-ammo met dagiti store managers nga agserbi ti Jollibee Cabugao.
Aglukat ti Jollibee Cabugao inton bigat, June 28, manipud alas 7 ti bigat agingga iti alas 10 ti rabii.
27 June 2024
Cabugao