LOOK: Nangipaay ti Provincial Government ti Ilocos Sur ken ti LGU Cabugao ti food packs kadagiti naapektaran ni Bagyong Carina.
Indauloan ni Mayor Josh Edward Cobangbang dagiti empleyado ti ili iti panangisagana kadagiti food packs para kadagiti naapektaran ti naglabas a bagyo.
314 food packs ti naipaay manipud Provincial Government ti Ilocos Sur ken 185 met manipud iti LGU. Dagiti naikkan ket dagiti naireport iti barbaranggay a naapektaran ni Bagyong Carina.
Nagyaman ni Mayor Josh Edward Cobangbang iti Provincial Government ti Ilocos Sur nga idadauloan ni Governor Jerry Singson ti kinaalibtak da a mangidanon nga insigida ti tulong kadagiti kaprobinsyaanda a naapektaran ti bagyo.
Personal nga indanon da Sangguniang Panlalawigan Members Third Ranches ken Doc Art Oandasan, ken ni PPSK Ilocos Sur President Vic Singson dagiti food packs nga inpaay ti probinsya para ti ili ti Cabugao.
Dagiti kameng ti Municipal Social Welfare and Development Office, MDRRMO ken PNP ti nangidanon dagiti food packs kadagiti apektado a barangay ti Bagyong Carina.
July 25-27, 2024
#Cabugao