LOOK: Naipaay dagiti medical equipment para ti 4 a Barangay Health Station ti ili ti Cabugao.
Daytoy ket inpaay ti Department of Health- Regional Office 1 iti sidong ti Health Facilities Enhancement Program wenno HFEP.
Ti Barangay Health Station ti Barangay Aragan, Carusipan, Nagsincaoan ken Sisim ti nakaawat kadagiti medical equipment.
Nagyaman ni Mayor Josh Edward Cobangbang kadagitoy a medical equipment nga inpaay ti DOH. Kinunana a prioridad ti tunggal ili ti panangipaay ti serbisyo salun-at ket napateg dagitoy nga gamgamit tapno mapasayaat ti serbisyo a maited kadagiti pasyente.
Dagiti naawat a medical equipment ket fetal doppler, weighing scale with BMI calculator, dressing cart, instrument cabinet, examining table with stirrups, medical cabinet, minor surgical instrument set, mechanical bed 3 cranks, EENT diagnostic set, weighing scale for infant, ken nursing kit.
Inmatonan dagiti Sangguniang Bayan Members nga idadauloan ni Vice Mayor Ediboy Cobangbang, ti Municipal Health Office nga idadauloan ni Dra. Vanessa Sablay, ken dagiti Barangay Council ti Barangay Aragan, Carusipan, Nagsincaoan ken Sisim, ti distribution kadagiti medical equipment.
02 September 2024
#Cabugao