LOOK: Naaramid iti 3rd Quarter Municipal Disaster Risk Reduction and Management Council (MDRRMC) and Municipal Solid Waste Management Board (MSWMB) Joint Meeting.
Indauloan ni Mayor Josh Edward Cobangbang ti taripnong ken nakipasetan daytoy ni SBM Teddy Soller, MLGOO Eloisa Rigucera, dagiti Barangay Captains, Department Heads ken Section Chiefs ti LGU, DepEd School Representatives, PTA Presidents, CSOs ken NGOs, ken kasta met ti nagduduma nga ahensya kas iti PNP, BFP ken Philippine Coast Guard.
Inpakaammo ni MDRRMO William Nerona dagiti naggapuanan ti LGU ti naglabas a Bagyong Carina ken Enteng. Kasta metten ti pannakaaramid ti earthquake drill inton September 26 sadiay Lipit National High School.
Inpakaammo met ni MENRO Ednalyn Silario a mabalin ti mangala ti libre nga organic fertilizer kadagiti makasapul manipud iti Municipal Ecology Center. Kagiddan daytoy, naidanon dagiti concerns panggep ti panagtalinaed a nadalus iti aglawlaw kadagiti barbaranggay.
Ingunamgunam ni Mayor Josh Edward Cobangbang ti kinapateg ti disaster preparedness. Kinunana a no dumanon ti saan a nasayaat a tiempo aglalo ti panagtutudo ket adda karbengan dagiti nagannak a saan a pastreken dagiti annak da iti pagadalan no adda ti peggad ti panagbyahe da a mapan iskwela.
12 September 2024
#Cabugao