LOOK: Naan-anay a napasingkedan ti General Eustaquio S. Baclig Monument ti Barangay Baclig.
Indauloan ni Punong Barangay Warren Tapuro ti ribbon cutting ti monumento. Inmatangan daytoy ni Mayor Josh Edward Cobangbang, ti Barangay Council ti Barangay Baclig, ni dati nga SBM Josefina Vallejo, ken dagiti nangibagi ti pamilya Baclig.
Iti panagsarita ni Ma’am Didi Rivera, apo ti anak ni General Baclig, nagyaman isuna ti LGU Cabugao ken ti Barangay Baclig ti pannakaipaay ti pammadayaw para kenni General Eustaquio Baclig. Laksid ti panagbalinna a mabigbigbig a military general, maysa isuna a bannuar iti World War II ken isu ti maysa kadagiti founders iti Cabugao Institute.
Innayon pay ni Ma’am Didi Rivera a ni General Baclig ket addaan iti dakkel a panangipateg ti edukasyon no sadino a pagnaen wenno tarayenna manipud ti Cabugao agingga ti Vigan tapno makaturpos ti panagadal na. Kinunana a daytoy ti gapu na a napanunutanna a mangpaadda ti pagadalan ti sekondarya ti Cabugao gapu ti rigat a napasaranna ti pannagnana nga inaldaw a mapan agiskwela sadiay Vigan iti kina ubing na. Kalpasan ti sekondarya, nagadal nga umuna ni General Baclig sadiay Siliman University sakbay ti panagturongna sadiay West Point wenno US Military Academy sadiay Estados Unidos. Nagturpos isuna ti Engineering ken nagsubli ti Pilipinas kas mabigbigbig a heneral.
Inpakaammo met ni Mayor Josh Edward Cobangbang a dayaw para iti Cabugao a maaddaan ti maysa a General Eustaquio Baclig a nangipaay ti dakkel a kontribusyon a makapaadda iti pagadalan ti Cabugao. Kinunana a silalagip ti ili ti naaramidan ni General Baclig iti ili na a Cabugao.
Ni General Baclig ket pimmusay bayat ti panagbalinna kas Prisoner of War idi November 30, 1944. Kalpasan daytoy, inpaay ni dati a Presidente Manuel L. Quezon ti purple cross ken posthumous promotion tapno agbalin a Full Star General kas pammigbig ti kinabannaur na.
16 September 2024
#Cabugao