LOOK: Naaramid ti taripnong ti Municipal Coordinating Board para iti 2024 Census of Population and Community-Based Monitoring System (POPCEN-CBMS).
Indauloan ni Ms. Alexia Reddaus ti PSA Ilocos Sur ti taripnong a nakipasetan da Mayor Josh Edward Cobangbang, SBM Danni Rica Magdato, ABC President Mariedes Soller, MLGOO Eloisa Rigucera ken dagiti mangibagi iti Municipal Census-CBMS Coordinating Board.
Naipakaammo dagiti ganwat ti field enumeration iti provincial, municipal ken ciudad ti Ilocos Sur. Naiparang pay dagiti naglabas a census activities ken naipakaammo dagiti intervention a naaramid para kadagiti issues ken concerns a napasaran dagiti enumerators.
Kasta met nga inpakaammo ni Ms. Alexia Reddaus a nalpasen ti panagcensus ditoy ili ti Cabugao. Iti agdama, ad-addu ngem ti target ti unos a lawas nga aktibidad a 9,424 households gapu ta nakalpas da iti 10,035 households ti ili.
Nagyaman ni Mayor Josh Edward Cobangbang ti kooperasyon ti amin a bumaranggay iti nasayod a pannakaipakat iti census ti ili.
23 September 2024
#Cabugao