LOOK: Naragsak nga inawat ti Salomague B-30 Fishermen and Vendors Association iti 62-footer Fiberglass Reinforced Plastic (FRP) Handline Fishing Boat.
Daytoy ket naipaay babaen iti Capacitating Municipal Fisherfolk Program ti Department of Agriculture-Bureau of Fisheries and Aquatic Resources Regional Fisheries Office 1.
Inawat da Boat Captain Eddie Arcala ken Presidente ti asosasyon ken Engine Mechanic Wilfredo Rosal ti bangka kalpasan a naglasat da iti hands-on training iti basic navigation ken boat operation.
Inmatangan ti BFAR Regional Office nga idadauloan ni Mr. Jake Valentine Dagdagan, da SBM Thaddeus Soller, SBM Robertson Gorospe, Municipal Agriculturist Edgar Balangatan, MFARMC Chairperson Danny Garcia, Cabugao Fishermen and Vendors Association Federated President Magno Carbonel, Salomague Punong Barangay Eligio Serrano, Kagawad Reyan Sesuca, ken dagiti mangibagi ti Salomague B-30 Fishermen and Vendors Association ti naaramid a turnover ti bangka.
Inpakaammo ni Mayor Josh Edward Cobangbang a yamanen na ti kinagaget da Mr. Rozal ken Mr. Arcala a naglasat iti training para iti naannayas a pannakausar iti bangka.
26 September 2024
#Cabugao