LOOK: Nangiyuswat ti NTA ti Orientation Seminar panggep iti Integrated Farming and Other Income Generating Activities Project (IFOIGAP)-Tobacco Contract Growing System (TCGS) CY 2024 – 2025 babaen iti Universal Leaf Philippines, Inc.
Tinawen daytoy nga aktibidad ti NTA ket nakipasetan daytoy da Mayor Josh Edward Cobangbang, NTA Governing Board Director Jessie Pat Serna, Municipal Agriculturist Edgar Balangatan, Vigan Branch Department Manager Engr. Noralyn Idica, Cabugao Area Supervisor Delia Giron, Vigan Supervising TPRO Victor Valledor, Chief Agriculturist Tomasito Taloza, ken ULPI Growing Officer Production Manager Alejandro Ablog.
Ti orientation ket nakipartisiparan dagiti farmer cooperators iti Barangay Sagayaden, Pila, Dardarat, Pug-os, Arnap, Lipit, Cuantacla, Carusipan, Cacadiran, Alinaay, Aragan, Sisim, Quezon, Catucdaan, Caellayan, Nagsantaan, Bato ken Reppaac.
Dinawat ni Mayor Josh Edward Cobangbang kadagiti amin a nakipaset ti orientation a pagtitinnulungan a papigsaen ti industriya ti tabako ditoy ili ti Cabugao tapno dagiti maisubli babaen iti excise tax ket maiserbi para ti ad-adu pay a kakailian ket mapaadu dagiti agmula ti tabako.
Ingunam-gunam ni MAO Edgar Balangatan nga agtultuloy nga agmula latta ti tabako ta unlimited ti suporta ti LGU, ken umadanin ti pannakaited ti ganagan para kadagiti agmula.
Inpalawag ni Ma’am Delia Giron dagiti alagaden iti Integrated Farming and Other Income Generating Activities Project-Tobacco Contract Growing System.
Kagiddan daytoy, naipakaammo met kadagiti tobacco farmers iti Tobacco Production Package of Technology, ken Seedbed Preparation, Seedling Care and Maintenance.
10 October 2024
#Cabugao