LOOK: Naragsak a naselebraran ti Elderly Filipino Week ti Cabugao.
Daytoy ket naisentro iti tema a “Senior Citizens -Building the Nation, Inspiring Generations”.
Nakipasetan daytoy da Mayor Josh Edward Cobangbang, SBM Michael Angelo Sarmiento, SBM Danni Rica Magdato, SBM Vicky Serna, Quezon Punong Barangay Edmund Sonico, MSWDO Criselda Navarro, OSCA Head Remigio Sunico, ken FSCAP President Constancia Sonido.
Kinuna ni Mayor Josh Edward Cobangbang a dagitoy nga aktibidad a maipaay para kadagiti Senior Citizens ket panangipakita ti LGU ti panagraem ken panangipaay ti pateg iti ipapaay dagiti senior citizens a kontribusyon ti kagimongan.
Innayon pay ni SBM Vicky Serna, Committee Chair ti Social Services a dagiti senior citizens ket isuda ti sanggir ken adigi ti panawen. Kinunana nga awan ti makaartap iti padas dan iti biag ken iti naipaay dan ti kagimongan.
Adda dagiti naiparang a panagkanta, panagsala ken panagdaniw iti nasao a selebrasyon. Nakipasetan daytoy dagiti senior citizens ti 5 a cluster a buklen ti nagduduma a barangay ti ili.
18 October 2024
#Cabugao