LOOK: Bayat nga adda ti RA7171 fund, agtultuloy ti panagserbi kadagiti umili.
Indauloan ni Mayor Josh Edward Cobangbang iti pannakaiwaras kadagiti farm equipment, farm inputs ken beach cleaner.
Binayabay ni Municipal Agriculturist Edgar Balangatan ni Mayor Josh iti naaramid a ceremonial distribution ken kasta met nga inmatangan daytoy dagiti nagduduma a Barangay Captains ken Farmer Leaders ti ili.
Naragsak nga inawat dagiti opisyales ti Barangay Pug-os nga idadauloan ni PB Jonathan Fermin ti beach cleaner ken tractor, ken kasta met ti hand tractor ken water pump nga inawat ti Barangay Council ti Barangay Sagayaden nga idadauloan ni PB Perlita Piros.
Kabayatanna, immununa met a naipaayan ti ganagan dagiti mannalon ti Barangay Rizal, Baclig, Quezon ken Pila. Dagiti farm inputs a naipaay kadakuada ket inorganic fertilizer kas iti 10-15-20, 46-0-0 ken 14-14-14, ken foliar fertilizer. Sumaruno met a makaawat dagiti mannalon ti dadduma a barangay.
Inpakaammo ni Mayor Josh Edward Cobangbang nga agtultuloy ti programa ti LGU para kadagiti mannalon aglalo kadagiti agmulmula ti tabako. Ginuyugoy ni Mayor Josh amin a mannalon a saanda koma mauma nga agmula ti tabako.
29 November 2024
#Cabugao