LOOK: Napadayawan ti ili ti Cabugao kas Top Performing First Class Municipality in Region 1 para iti Total Current Operating Expenditure Per Capita for FY 2023.
Naragsak nga inawat daytoy ni Mayor Josh Edward Cobangbang, Sangguniang Bayan ng Cabugao nga idadauloan ni Vice Mayor Ediboy Cobangbang Jr., ken ni Municipal Treasurer Jocelyn Seatriz.
Ti nasao a pammadayaw ket para iti kategorya a 1st Class Municipalities iti Region I. Ti award giving body ti nasao a pammadayaw ket iti Regional Association of Treasurers and Assessors of Region I, ken ti Bureau of Local Government Finance ti Department of Finance.
Naited ti pammadayaw kas paset iti selebrasyon iti Year End Assessment and Conference a naangay sadiay Eastwood Richmonde Hotel, Bagumbayan, Quezon City. Naisentro ti selebrasyon iti tema a “Celebrating Excellence and Strengthening Accountability in Local Government Finance”.
Ti pammadayaw ket nagun-od ti Cabugao gapu iti pannakapadakkel ken pannakapasayaat ti panagpaadda iti local revenue generation. Nabigbig ti Cabugao iti napasnek a panangipatungpal iti pannakapaadu ken pannakapasayaat iti panagpastrek iti pondo.
Dinayaw ni Mayor Josh iti kinapasnek ti sibubukel nga LGU a mangipatungpal kadagiti pagsayaatan ti ili aglalo iti pannakanayon iti local a paggapuan ti pondo ti ili.
Congratulations, Bayan ng Cabugao!
02 December 2024
#Cabugao