LOOK: Napasingkedan ti One Cabugao Agri-Civic Center ti ili a Cabugao.
Indauloan ni Ilocos Sur Governor Jeremias “Jerry” Singson iti groundbreaking ceremony ti mabangon nga Agri-Civic Center ti ili.
Binayabay isuna da Mayor Josh Edward Cobangbang, SBM Teddy Soller, ABC President Mariedes Soller, dagiti Barangay Captains ken SK Chairpersons ti ili.
Iti mensahe ni Governor Jerry Singson, kinunana a napintas ti napili ti Cabugao a lugar ti agri-civic center. Kinunana a daytoy a pasdek ket mabalinto a pakaangayan ti adu nga convention, seminar ken okasyon a makaited ti kanayonan a pagdur-asan ti ekonomiya ken turismo ti Cabugao. Kinunana pay a ti One Cabugao Agri-Civic Center ti agserbi a testamento ti kabaelan a ragpaten ti maysa nga ili.
Innayon pay ni Gov. Jerry Singson a ti agri-civic center ti kangrunaan to a lugar ti economic activity ken community engagement ti sektor dagiti mannalon, LGU ken ti komunidad.
Kasta met a kinuna ni Mayor Josh Edward Cobangbang ti mensahe na a ti pudno a panagserbi ti kasapulan ti arapaap para iti pagserbianna. Kinunana a babaen daytoy a ganwat main-inot a magun-od dagiti arapaap ti ili. Inpakaammo na met a laksid ti One Cabugao Agri-Civic Center, mapasingkedanen iti mabiit a panawen iti Legislative Building ken Provincial Stimulation and Therapeutic Activity Center (STAC) ti ili.
Kinunana pay ni Mayor Josh a ti agri-civic center ket maysa nga ehemplo no anya ti arapaap a pagbanagan ti Cabugao. Kagiddan daytoy, nagyaman ni Mayor Josh iti panangilatang ti Provincial Government ti Ilocos Sur ti pondo ken mangnamnama nga adu pay ti ited da a pagsayaaatan ti Cabugao.
Indanon met ni Mayor Josh ti commitment da Congressman Ronald Singson ken Ako Ilocano Ako Partylist Representative Congresswoman Richelle Singson para ti development ti asideg ti aglawlaw iti mabangon nga agri-civic center.
Ti groundbreaking ceremony ket nakipasetan dagiti LGU Department Heads ken Section Chiefs, ti Provincial Engineering Office, RIC ken dagiti nagduduma a farmers ti ili.
05 December 2024
#Cabugao