LOOK: Immawat ti E-Trike ti lima a farmers ken fishermen organization ti ili ti Cabugao.
Dagitoy ket naipaay manipud ti Provincial Government ti Ilocos Sur nga idadauloan ni Governor Jerry Singson.
Naragsak nga inawat dagiti lima nga asosasyon ti inpaay ti probinsya tapno mausar iti inaldaw aldaw nga operasyon ti grupo da. Dagiti immawat ti e-trike ket ti Dardarat Aquasilvi Fishermen Association, Fishermen and Vendors Association Cabugao ti Barangay Salomague, Maradodon Itneg Farmers Association, Rizal Farmers Association, ken Namruangan Rice and Corn Growers.
Inbagian da MFARMC Chairperson Danny Garcia, Cabugao Fishermen and Vendors Association Federated President Magno Carbonel, Romeo Cay-an, Aurio Henrico Sistoza ken Windy Veloria dagiti asosasyonda bayat ti panagiwaras ti Provincial Government iti agricultural inputs ken farm equipment sadiay Provincial Farmers Livelihood Center.
Inpeksa ni Mayor Josh Edward Cobangbang ti panagyamanna iti liderato ni Governor Jerry Singson ti pannakaipaay ti e-trike para kadagiti farmers ken fishermen organization ti Cabugao. Kinunana a dakkel a banag ti awan sarday na a pannakairaman ti Cabugao kadagiti ipapaayan ti Provincial Government ti ramit kangrunaan para iti sektor ti agrikultura.
13 September 2024
#Cabugao