LOOK: Naipaayan iti Four Wheel Tractor with attachments kas ti rotavator, front loader ken PTO-driven disc plow ti Free Farmers Multi Purpose Cooperative ti Barangay Sagayaden.
Daytoy a ramit ket inpaay iti Department of Agriculture babaen iti Rice Competitiveness Enhancement Fund Mechanization Program.
Naragsak nga inawat daytoy ni Mayor Josh Edward Cobangbang ken iti mangibagi iti Sagayaden Free Farmers Multi Purpose Cooperative.
Inpakaammo ni Mayor Josh Edward Cobangbang a nasurok a maysa a dekadan a kabinbinnulig ti LGU ti Department of Agriculture kangrunaan iti DA Region 1 ken ti Provincial Agriculture Office iti napasnek a panangipapaay da kadagiti farm equipments para kadagiti mannalon ti ili ti Cabugao.