LOOK: Naaramid iti awarding ti seed capital fund para iti 12 a beneficiaries ken 4 nga asosasyon iti Sustainable Livelihood Program (SLP) iti ili ti Cabugao.
Dagiti beneficiaries ket makaawat iti taraknen a dingwen kas iti 45 days a manok, kalding, BNY fish, ken baboy. Tunggal beneficiary ket maikkan iti maysa a klase ti dingwen a taraknenna.
Kagiddan daytoy, dagiti 4 nga SLP Associations nga immawat iti seed capital fund na ket ti Narungbo – Quezon SLPA ti Barangay Quezon, Turod Nasaririt SLPA ti Barangay Turod, Sinag Tagumpay SLPA ti Barangay Cuancabal, ken Agrimat SLPA ti Barangay Caellayan.
Kaddua ni Mayor Josh Edward Cobangbang ti DSWD Field Office 1 – Ilocos Region nga indauloan ni Project Development Officer Edmun Pastor ken MSWDO Criselda Navarro iti pannakaiyawat ti seed capital fund check kadagiti beneficiaries.
Kinuna ni Mayor Josh Edward Cobangbang a sapay koma ta mapadakkel dagiti beneficiaries ti seed capital da tapno makatulong daytoy para iti inaldaw a panagsapul da ken para iti pamilyada.
20 November 2024
#Cabugao