LOOK: Naragsak a pinasangbay ni Mayor Josh Edward Cobangbang ti delegasyon ti Barangay Bogtong, Legazpi City.
Indauloan ni Barangay Captain Armando Toledo ti Barangay Officials ken Sangguniang Kabataan Members ti barangay da para iti benchmarking activity da ti ili ti Cabugao.
Karaman kadagiti naipakaammo kadakuada ket ti Solid Waste Management program ti Cabugao. Inparang ni MENRO Ednalyn Silario panggep ti panangipakat ti ili ti saan a panagusar ti single-use plastics ken ti istrikto a pannakaipatungpal ti waste segregation, kasta metten ti napinget a panagdalus dagiti barbaranggay ti ili.
Kasta metten nga inpakaammo ni MDRRMO William Nerona dagiti best practices ti ili ti Disaster Management and Response ti Cabugao.
Inpakaammo met ni Mayor Josh Edward Cobangbang nga itay nabiit ket naglasat iti Incident Command System Executive Course ti Cabugao nga inpaay ti Office of Civil Defense ket maysa kadagiti maisaruno nga aktibidad ket ti ICS training kadagiti Sangguniang Kabataan para ti naan-anay a maitulong da iti Disaster Preparedness and Response ken pannakipaset ti Incident Command Organization ti maysa nga ili.
02 October 2024
#Cabugao