LOOK: Naragsak a pinasangbay ni Vice Mayor Ediboy Cobangbang dagiti staff ti Human Resource Management Office ti ili ti Bantay, Ilocos Sur nga idadauloan ni Ms. Chariss’h L. Saraos.
Daytoy ket para iti benchmarking activity da panggep iti Program to Institutionalize Meritocracy and Excellence in Human Resource Management (PRIME-HRM) nga ipakpakat ti LGU a programa ti Civil Service Commission.
Inparang ni HRMO Mimie Sision dagiti best practices ti Cabugao iti panangipatungpal ti nasao a programa. Maysa kadagiti kangrunaan a benepisyo ti panagbalin a PRIME HRM ket ti alisto a pannakaileppas ti requirements dagiti agbalin nga empleyado ti ili a saanen a lumasat pay iti Civil Service Commission.
Inpakaammo ni Vice Mayor Cobangbang a dayaw para iti ili ti Cabugao a pagtuladan dagiti nagduduma nga LGUs panggep iti nasayod a pannakaipakat ti programa ti PRIME HRM.
Tawen 2018, napadayawan ti Cabugao ti Bronze Award ti PRIME HRM. Daytoy a pannakapadayaw ket maited kadagiti government agencies a mangipatpatungpal ti Maturity Level II indicators ti PRIME HRM ti benneg ti Recruitment, Selection and Placement, Performance Management, Learning and Development, ken kasta metten ti Awards and Recognition.
21 August 2024
Cabugao