Naragsak nga isasangbay
Ditoy ili mi a narang-ay
Disso’t marmaris a makalinglingay
Pakasalangan sirmata ken tarigagay.
Ti baybay nalinak , nalames
Nalilit-aw maruay a baresbes.
Natinggaw samiweng dagiti kawayan
Mainaw ni Adal katabakuan, Kakaldingan.
Intayon Cabugao, narambak nga ili mi
Ba-ingles, kinnaras, ken Kalapati
Baton lagip lunglung-aymi,
sarming kinasudi
Rimat kinatarnaw Cabugao.
Intayon Cabugao!
Intayon Cabugao!
Nakamulian babannuar a nasin-aw
Bagnos panagdur-as kakabsat ballasiw-taaw
Narimatka, natarnawka, Cabugao.