LOOK: Naaramid ti ili ti Cabugao iti Closing Program ken Awarding kadagiti nangabak iti Cabugao National Surfing Championship 2024.
Ti Surfing competition ket naaramid sadiay Kido’s Point ti Barangay Sabang, ti Surfing Capital of Ilocos Sur manipud idi December 5 agingga December 10.
Naragsak nga inatendaran daytoy da Ilocos Sur 1st District Congressman Ronald Singson, Sangguniang Panlalawigan Member Third Ranches, dagiti Sangguniang Bayan Members ken Punong Barangay ti ili, ti Provincial Tourism Office nga idadauloan ni Mr. John Noel Andaya, dagiti surfers, ken dagiti opisyales ti United Philippine Surfing Association (USPA).
Iti programa, naipabuya iti Cabugao Angklung a tinukar dagiti empleyado ti LGU.
Indanon ni PPSK President Jeffrey Vicente ti mensahe ni Mayor Josh Edward Cobangbang a panagyaman kenni Congressman Ronald Singson ken iti Provincial Government ti Ilocos Sur nga idadauloan ni Governor Jerry Singson iti panangipaayda iti importansya iti surfing activities ti Cabugao. Kinunana a ni Cong. Ronald ken ti PGIS ti gapu na no apay nga adda dagiti mabigbigbig a national surfing competition a maararamid ditoy ili ti Cabugao.
Kabayatanna, inpresentar met ni Bokal Third Ranches ti mensahe ni Governor Jerry Singson.
Iti met mensahe ni Congressman Ronald Singson, inpakaammo na nga adu a surfers ti mangibagbaga a world class ti dalluyon ti Kido’s Point iti Barangay Sabang. Kasta met nga inpanakkel na a dandani metten malpas iti Sabang Boardwalk a maysa a kangrunaan a proyektona ita a tawen. Inpakaammo na pay a mangnamnama isuna iti maaramid manen a surfing competition sadiay Barangay Sabang inton umay a tawen.
Thank you for visiting Cabugao and congratulations to all the winners!
10 December 2024
#Cabugao