LOOK: Kadagupan a 172 scholars ti nakaawat ti allowance manipud iti Cabugao Educational Scholarship Program (CESPro) ti LGU Cabugao.
Personal nga inyawat ni Mayor Josh Edward Cobangbang ti allowance dagiti scholars para iti SY 2023-2024.
Ti CESPro ket programa ti LGU a mangipaay ti allowance a 7,000 pesos kadagiti High School Scholars manipud Grade 7 agingga iti Grade 12.
Inpakaammo ni Mayor Josh Edward Cobangbang a maysa kadagiti obligasyon ti LGU ket ti mangsuporta kadagiti estudyante a kalikagom na ti agbasa ken makaturpos ti panagbasana, isu nga ipaay ti LGU ti tulong kadagiti estudyante babaen iti scholarship.
Kasta met a maisagsaganan ti pannakaipaay ti allowance dagiti college scholars.
07 June 2024