LOOK: Naaramid ti pannakaipaay ti pammadayaw para iti CY 2024 Regional SubayBAYANI Awards.
Naragsak nga inawat da Mayor Josh Edward Cobangbang ken MLGOO Eloisa Rigucera ti pammadayaw a nagun-od ti ili ti Cabugao. 8th placer ti Cabugao manipud kadagiti 10 nga ili ti probinsya ti Ilocos Sur a naipaayan ti pammadayaw kas Outstanding Municipality. Kasta met a napadayawan ti Municipal Local Government Operations Officer ti ili a ni Ms. Eloisa Rigucera kas 8th place ti MLGOO Category ti CY 2024 Regional SubayBAYANI Awards.
Ti SubayBAYANI Awards ket maysa a programa ti Department of Interior and Local Government para kadagiti Local Government Units a napasnek a mangipatungpal kadagiti proyektoda. Ti DILG ti mangbigbig iti ipakpakat ti maysa nga ili a maaw-awagan nga “good local governance”, kangrunaan iti pannakaipakat ti proyekto iti infrastructure, ken iti pannakamentenar ken pannakasustenar na. Mapadayawan dagiti il-ili a makaipakita iti dakkel a pagnam-ayan dagiti bumaranggayda.
Kagiddan daytoy, ti SubayBAYANI Awards ket mangited ti pammadayaw kadagiti napasnek a facilitators ken ti umno a panagmonitor da. Daytoy ket tapno masigurado nga agtamed dagiti LGUs iti pannakaipakat ti umno a standards iti good local governance ken napinget a pannakaipatungpal iti programa.
Nagyaman ni Mayor Josh Edward Cobangbang iti pannarabay ti DILG ken ni MLGOO Eloisa Rigucera tapno maipakat dagiti proyekto ti ili kas sagudayen ti linteg.
Congratulations, Bayan ng Cabugao headed by Mayor Josh Edward Cobangbang, and MLGOO Eloisa Rigucera!
19 November 2024
#Cabugao