LOOK: Naaramid iti Ceremonial Distribution dagiti hybrid corn seeds ken ganagan kadagiti mannalon ti ili.
Ti ganwat ket nagbinnuligan a programa ti Provincial Government of Ilocos Sur ken ti Local Government Unit ti ili.
Naaramid ti pakpakauna a pannakaiwaras iti Hybrid Corn Seeds ken 14-14-14 Fertilizer kadagiti mannalon manipud Barangay Baclig, Rizal, Namruangan, Margaay, Turod, Daclapan ken Dardarat.
Inadauloan ni MAO Edgar Balangatan ti naaramid a panagiwaras ken inmatangan daytoy da Cabugao Farmers Federated President Edgar Sonido, MFARMC Chairperson Modesto Bringas, Agriculturist Jhowie Salvado manipud ti Provincial Agriculture Office, Namruangan PB Dominador Agno, Sagayaden PB Perlita Piros, Turod PB Edgar Garcia, Pug-os PB Jonathan Fermin ken Baclig PB Warren Tapuro.
Nagyaman ni Mayor Josh Edward Cobangbang ti Provincial Government ti Ilocos Sur nga idadauloan ni Governor Jerry Singson ti agtultuloy a panangilatang ti probinsya ti pondo para kadagiti kasapulan dagiti mannalon. Kinunana a pagrebbengan ti LGU ken PGIS nga isubli kadagiti mannalon ti serbisyo a para iti pannakapasigurado iti nabuslon nga apit ken maksayan ti gastos da iti panagmula ken panagtaripato kadagiti produktoda.
Naisaruno a naiwaras ita malem dagiti corn seeds ken ganagan kadagiti mannalon ti Barangay Alinaay, Arnap, Cacadiran, Cuancabal, Cuantacla, Pila, Sagayaden ken Turod-Patac. Maaramid ti panagiwaras agingga inton bigat.
12 November 2024
#Cabugao