LOOK: 18 a barangay ti nawarasan ti Hybrid Corn Seeds ken 14-14-14 Fertilizer iti maikaddua nga aldaw iti pannakaibunong na.
Dagitoy ket ti farm inputs a para kadagiti mannalon ti Cabugao a nagbinnuligan a programa iti Local Government Unit ken iti Provincial Government ti Ilocos Sur.
Naragsak nga inawat daytoy dagiti mannalon manipud Barangay Aragan, Bato, Bonifacio, Bungro, Caellayan, Carusipan, Catucdaan, Lipit, Maradodon, Nagsantaan, Nagsincaoan, Pug-os, Quezon, Reppaac, Sabang, Salapasap, Salomague, ken Sisim.
Inpakaammo dagiti mannalon a dakkel a tulong ti maited a libre a bin-i ken ganagan kadakuada gapu ta dakkel ti kasapulan para iti panagmula ken panagtaraken ti mais ken nagduduma pay a produktoda.
Inpakaammo ni Mayor Josh Edward Cobangbang a naduma duma a tulong ti maited kadagiti corn, rice ken vegetable growers ti ili kas paset ti agtultuloy a pannakaipaay ti suporta ti sektor ti agrikultura a kangrunaan a paggapuan ti pagsapulan dagiti taga Cabugao.
13 November 2024
#Cabugao