LOOK: Naaramid ti ceremonial distribution dagiti farm inputs kadagiti mannalon ti ili ti Cabugao.
Naggigiddan ti Department of Agriculture Region 1, Provincial Government of Ilocos Sur ken ti LGU Cabugao ti pannakaipaay ti hybrid rice seeds, fertilizers ken soil conditioners para kadagiti mannalon ti ili.
Inmatangan daytoy da Sangguniang Panlalawigan Member Doc Art Oandasan, Mayor Josh Edward Cobangbang, DA Region 1 Representative, ti Provincial Agriculture Office, dagiti Barangay Captains ti ili, Rizal Farmers Association, Federation of Cabugao Farmers, ken iti Municipal Agriculture Office nga idadauloan ni Municipal Agriculturist Edgar Balangatan.
Iti panagsarita ni SPM Doc Art Oandasan, dinakamat na a dagiti hybrid rice seeds ken soil conditioners ket ipaay a subsidy ti Provincial Government kas suporta para iti sektor ti agrikultura ti probinsya.
Nagyaman ni Mayor Josh Edward Cobangbang ti DA Region 1 ken ti Provincial Government of Ilocos Sur para kadagiti maipapaay da a tulong a mangkomplementar kadagiti ipapaay ti LGU a farm inputs para kadagiti mannalon ti Cabugao.
04 June 2024