LOOK: Bayat nga adda iti RA7171 fund, agtultuloy ti panagserbi kadagiti umili.
Naaramid iti Ceremonial Distribution kadagiti Rice Fertilizer Discount Voucher ken Vegetable Seeds kadagiti mannalon ti ili ti Cabugao.
Naragsak nga indauloan ni Mayor Josh Edward Cobangbang ti panangiwaras dagiti vouchers ken vegetable seeds. Inmatangan daytoy da MAO Edgar Balangatan, Cabugao Farmers Federated President Edgar Sonido, Mr. Jomar Dayap ti Department of Agriculture Regional Office, Quezon Punong Barangay Edmund Sonico ken Alinaay Punong Barangay Erwin Gazmen.
Inpakaammo ni Mayor Josh Edward Cobangbang a ti Rice Fertilizer Discount Vouchers nga inpaay ti Department of Agriculture Region I ket maisakada dagitoy sadiay Dumacil ken A. Morales Agricultural Supply Store ti Cabugao. Kagiddan ti panangipeksana ti panagyaman iti DA Region I, inpakaammo ni Mayor Josh a pinondoan met ti LGU ti pannakaipaay ti vegetable seeds kadagiti vegetable growers ti ili.
Dagiti naiwaras a vegetable seeds ket sili, taban, lasuna ken sanja a maituding kas High Value Commercial Crop.
Immununan a naipaayan dagiti mannalon ti Barangay Quezon, Bonifacio ken Rizal. Sumaruno met a maaramid ti pannakaibunong dagiti voucher ken vegetable seeds kadagiti nagduduma a barangay inton bigat agingga November 13.
06 November 2024
#Cabugao