LOOK: Naaramid ti courtesy call ti DepEd Cabugao kenni Mayor Josh Edward Cobangbang.
Indauloan ni District Campus Journalism Coordinator Mrs. Frances Jocelle Singson-Tabbilas dagiti DSPC winners, participants ken school paper advisers ti Elementary ken Secondary Level ti Cabugao. Naragsak nga inpakaammo na kenni Mayor Josh dagiti nagun-od da a pammadayaw.
Ti DepEd Cabugao District ket nangabak kas Overall Champion ti Elementary Level iti naangay a 2024-2025 Division Schools Press Conference. Daytoy ti maika-uppat nga agsasaruno a tawen a nangabak kas Overall Champion ti Cabugao. Kasta met a nakastrek ti Top 5 Overall iti Secondary Level ti Cabugao National High School ket nangabak da a kas Overall Fourth Runner Up ti Secondary Level.
Inpakaammo ni Mayor Josh Edward Cobangbang a ti nagun-od ti DepEd Cabugao District ket mangipaneknek ti kinasaririt dagiti ubbing ken ti kinalaing dagiti teachers a nangisuro kadagiti estudyante. Kinunana a silulukat ti LGU para ti aniaman a suporta a masapol iti DepEd.
Nagyaman met dagiti DepEd teachers kenni Mayor Josh ken ti LGU ti agtultuloy a suporta nga maipapaay kadakuada.
07 February 2025
#Cabugao