LOOK: Indauloan ni Mayor Josh Edward Cobangbang iti 3rd Quarter Municipal Peace and Order Council (MPOC) and Municipal Anti-Drug Abuse Council (MADAC) Joint Meeting.
Dinar-ayan daytoy dagiti nagduduma nga ahensya kas iti PNP, BFP, Maritime, PDEA ken DepEd. Kasta met a nakipaset ti taripnong da SBM Michael Angelo Sarmiento, ABC President Mariedes Soller, MLGOO Eloisa Rigucera, dagiti nagduduma a Department Heads ken Section Chiefs ti LGU, dagiti NGOs, ken dagiti representatives manipud iti Private ken Religious sector.
Inpakaammo ni Cabugao Chief of Police PMAJ Juan Jhayar Maggay a 22 a barangay iti drug-cleared ti ili ken adda pay 7 a barangay a saan pay a drug-cleared. Nupay kasta kunana, bimmaba iti index crime rate para iti 3rd Quarter ti 2024 gapu iti napinget a koordinasyon ti LGU, private sector, kapulisan ken ti kagimongan.
Inpakaammo met ti Maritime ken BFP dagiti naggapuanan da iti bulan ti Hulyo agingga Setyembre, ken awan ti pasamak ti uram. Ditoy metten a naiyam ammo ti baro a fire marshall ti ili a ni SINSP Anthony Val Gary Coloma.
Dinawat ni PDEA Provincial Officer Noreen Bautista nga adda dagiti maibinglay na a singasing tapno mapadaras iti drug clearing operation ti ili.
Segun kenni MLGOO Eloisa Rigucera agtultuloy dagiti programa ti DILG kas iti Barangay Road Clearing Operations (BaRCO) Assessment and Validation, Barangay Kalinisan Program(BarKaDa) ken Halina’t Magtanim ng Prutas at Gulay (HAPAG) sa Barangay. Kasta met nga inpakaammo na a maaramid ti Barangay Assembly Day ti kada barangay ti ili para iti 2nd Semester of Calendar Year 2024 ti maysa a Sabado wenno Domingo iti bulan ti Oktubre.
Inpakaammo met ti MSWDO ken MHO a nakasagana da a mangipaay iti kasapulan dagiti Persons Who Use Drugs (PWUDs) ti ili tapno alisto a maaramid iti drug clearing operations ti ili.
Kabayatanna, inpakaammo ti Sangguniang Bayan a marugyanton a maaramid iti draft ti ordinansa a mangitandudo ti panagusar ti e-trike ti ili ti Cabugao.
Naan-anay a nagyaman ni Mayor Josh Edward Cobangbang ti napasnek a pannakikammayet ti tunggal sector tapno maipatungpal dagiti kasapulan para iti panagdur-as ti ili.
27 September 2024
#Cabugao