LOOK: Naselebraran ti National Disability Rights Week babaen iti maysa a Disability Sensitivity Orientation ken seminar panggep iti Programs and Services ti Area 1 Vocational Rehabilitation Center (AVRC 1).
Immuna a naaramid ti Disability Sensitivity Orientation no sadino a nagserbi kas resource speaker ni Mrs. Racqueline Ridao, Social Development Officer ti Norfil Foundation, Inc.
66 a PWD ken BHW ti nakipaset ti orientation seminar. Nakipaset ti aktibidad ni SBM Vicky Serna, Chairperson ti Committee on Social Services ti Sangguniang Bayan ken ni MSWDO Criselda Navarro.
Kabayatanna, 26 a Persons with Disability ti nakipaset met ti maikaddua a seminar.
Nagserbi kas speaker ni Aaron Garcia, Social Welfare Officer ti AVRC 1. Kinuyog isuna dagiti AVRC active clients ti Ilocos Sur a da Charlene Tad-o nga addaan iti Communication Disability manipud Sugpon ken ni Maria Theresa Sibayan nga addaan iti Visual Disability manipud Sigay.
Bayat ti seminar, inpakaammo ni Mayor Josh Edward Cobangbang a sidadaan ti LGU a mangtulong ti DSWD tapno maitandudo ti kalintegan ken pagsayaatan dagiti PWDs ti ili. Kinunana a nasayaat no maipakaammo dagiti kalintegan da ken adda dagiti masursuro da a wagas tapno maaddaan da iti pagsapulan.
Ti serbisyo ti AVRC ket para kadagiti Persons with Disability a makasursuro ti nagduduma a social ken personal skills, vocational training, positibo a work habits ken nasayaat a pag-ugali. Dagiti ipapaay da a Major Vocational courses ket Tailoring, Dressmaking, Massage Therapy, Cookery, ken Beauty Care ken Hairdressing. Libre a serbisyo daytoy para kadagiti PWDs nga agtawen 16 agingga iti 59.
23 July 2024
#Cabugao