LOOK: One Ilocos Sur Health Caravan, naiyuswat ti ili ti Cabugao.
Naragsak nga indanon ni Governor Jerry Singson ti Barangay Bonifacio Covered Court iti programa ti Provincial Government ti Ilocos Sur a libre a medical services. Dagitoy ket ti laboratory, ultrasound, consultation, surgery, dental check up & extraction, eye check up ken libre nga anchokos ken libre nga agas.
Nagyaman ni Vice Mayor Ediboy Cobangbang ti pannakapili ti ili ti Cabugao a nakaangayan ti programa ti PGIS. Inpakaammo na pay a mapadayawan ti Cabugao a maipaayan ti libre a serbisyo para iti salun-at ti kakailianna ti Cabugao.
Nangipaay met ti mensahe ti suporta ni Sangguniang Panlalawigan Member Doc Art Oandasan ken Congressman Jun Abinsay ti Hawaii.
Inmatangan da Provincial DOH Office Team Leader Engineer John Foz, SBM Teddy Soller, SBM Danni Rica Magdato, SBM Vicky Serna, SBM Robertson Gorospe, ken ti Barangay Council ti Barangay Bonifacio nga idadauloan ni Barangay Captain Jerald Blando iti pannakaaramid ti One Ilocos Sur Health Caravan ti Cabugao.
Kinuna ni Governor Jerry Singson a saan a mauma ti Provincial Government ti Ilocos Sur a mangidanon ti kangrunaan a serbisyo kadagiti kaprobinsyaanna pakairamanan ti ili ti Cabugao.
Nagyaman ti gobernador kadagiti timmulong ti medical mission kas iti doctor ken medical staff ti Ilocos Sur Provincial Hospital-Gabriela Silang, dagiti District Hospital ti probinsya – Sinait, Magsingal, Narvacan, Sta. Lucia, Tagudin, Cervantes, Salcedo, ti Municipal Health Office ti Cabugao nga idadauloan ni Dra. Vanessa Sablay, ken ti Ilocos Sur Medical Society.
Ti medical mission ket naiparang ti programa ti DWRS Commando Radio Station kas selebrasyon ti 25th Ilocos Sur Hotline Anniversary.
24 August 2024
#Cabugao