LOOK: Naipaayan ti Special Notice of Compliance ti ili ti Cabugao para iti Local Public Transport Route Plan.
Daytoy ket inpaay ni LTFRB Regional Director Atty. Anabel A. Marzan-Nullar ken Acting CTDO Atty Veronica T. Peralta.
Inpalawag ni Director Atty. Anabel A. Marzan-Nullar a maysa kadagiti gagem ti ahensya ket ti panangitandudo ti LGUs kas ti Cabugao ti Public Transport Modernization Plan para iti kinatalged ti commuting public.
Inpakaammo ni Atty. Veronica T. Peralta, ti Acting CTDO ken Attorney IV ti LTFRB Regional Office a Special Notice of Compliance ti naited ti ili ti Cabugao gapu ta tricycle pay laeng ti public mode of transporation ti ili. Kinunana a mangnamnamada nga iti masangoanan ket adda dagiti maipaay a kanayonan a public mode of transporation iti Cabugao.
Nagyaman ni Mayor Josh Edward Cobangbang ti pannakaipaay ti Special Notice of Compliance ti ili ti Cabugao ken itandudo ti ili ti safety iti commuting public ti Cabugao.
Kabayatanna, inpakaammo ni LTFRB Regional Director Atty. Anabel Marzan-Nullar a ti Cabugao ti maikaddua nga ili ti probinsya ti Ilocos Sur a nakaipasa ken naipaayan ti Special Notice of Compliance na iti Local Public Transport Route Plan. Inpakaammo na pay a maysa daytoy a plano kadagiti indicator nga inyetnag iti DILG iti SGLG assessment ti maysa nga ili.
01 July 2024
#Cabugao