LOOK: Indauloan ni Mayor Josh Edward Cobangbang ken Ms. Melody Bajarin ti naaramid a payout kadagiti 21 a beneficiaries a naglasat ti programa a Special Program for the Employment of Students (SPES).
Inyawat da Mayor Josh Edward Cobangbang, DOLE Ilocos Sur – SPES Focal Person Melody Bajarin ken Cabugao PESO Manager Mimie Sison ti sweldo dagiti SPES beneficiaries.
18 beneficiaries ket nagtrabaho ti barbaranggayda ken 3 met ti nagtrabaho ti 3 a private establishments – Suerte Printing Services, Suerte Tailoring Services ken Amstek Construction, ti unos ti 20 nga aldaw.
Ti sweldo dagiti SPES beneficiaries a nagtrabaho ti barbaranggayda ket nagbinnuligan nga ited ti Department of Labor and Employment ken ti Local Government Unit ti Cabugao. 60% ti sweldo da ket inpaay ti LGU ken 40% ti ipaay iti DOLE. Kadagiti met 3 a beneficiaries, 60% ti aggapo ti private establishment ken 40% ti ited ti DOLE ti tunggal beneficiary.
Kinuna ni Mayor Josh Edward Cobangbang a babaen iti daytoy a programa ti DOLE, addan ti punpunoan dagiti beneficiaries a mausar da para iti panagbasada.
Maisaruno a maawat dagiti beneficiaries ti DOLE counterpart ti sweldoda babaen ti maysa a remittance center.
08 August 2024
#Cabugao