LOOK: Pakabuklan a 282 ti beneficiaries iti programa ti Tulong Panghanapbuhay sa Ating Disadvantaged/Displaced Workers wenno TUPAD nga immawat ti sag-4,350 pesos.
Daytoy ket inpaay ni Vice Governor Ryan Luis Singson para iti ili ti Cabugao, Sinait ken Sto. Domingo.
Sag-94 a beneficiaries ti napili manipud ti ili ti Cabugao, Sinait ken Sto. Domingo ti immawat bayat ti pay out.
Inlawlawag ni Provincial Director Charity Ubilas ti DOLE Ilocos Sur a 435 pesos ti kada aldaw a sweldo iti unos ti 10 nga aldaw a panagtrabaho dagiti TUPAD beneficiaries isu a 4,350 pesos iti maipaay a sweldo da iti pay out.
Inpakaammo ni Vice Governor Ryan Luis Singson a pinili na ti ili ti Cabugao a pakaiyuswatan ti pay out gapu ta mailiw isunan kadagiti kakailianna ti Cabugao. Kinunana pay a laksid ti panagpanday linteg, inpakaammo na a ti kanayonan a tulong a maitedna para iti probinsya ti Ilocos Sur ket babaen iti programa ti TUPAD.
Indanon ni Vice Mayor Ediboy Cobangbang Jr. ti panagyamanna kenni Vice Governor Ryan Luis Singson ti kaadda ti taga Cabugao a beneficiaries iti programana, ken ti pannakaaramid ti pay out ti ili ti Cabugao.
Indanon met ni Sinait Municipal Mayor Glenn Guzman babaen kenni SBM Jojo Yoro ti panagyamanna kenni Vice Governor Ryan Luis Singson para iti pannakapili ti 94 a kakailianda iti ili ti Sinait. Dinakamat ni SBM Yoro a sapay koma ta maibanag ti nasayaat ti nagrigatan dagiti beneficiaries a swineldo da.
12 July 2024
#Cabugao