LOOK: 500 a TUPAD beneficiaries ti naipaayan ti sweldona iti naaramid a payout.
Sag-4,350 pesos ti inawat a sweldo dagiti naglasat ti programa ti TUPAD wenno Tulong Panghanapbuhay sa Ating Disadvantaged/Displaced Workers manipud ti 10 a barangay ti ili. Dagitoy ket ti Barangay Arnap, Bungro, Cacadiran, Carusipan, Nagsantaan, Namruangan, Reppaac, Sabang, Salomague ken Turod.
Ti pondo ti TUPAD ket nagbinnuligan nga inpaay ti DOLE, ni Congressman Ronald Singson ken Ako Ilocano Ako Partylist Representative Congresswoman Richelle Singson.
Indauloan ni Congressman Ronald Singson ti panagiyawat ti sweldo dagiti beneficiaries ken binayabay isuna da Vice Mayor Ediboy Cobangbang, Sangguniang Panlalawigan Members Third Ranches ken Doc Art Oandasan, ken DOLE OIC Provincial Director Charity Ubilas.
Kinuna ni Congressman Ronald Singson nga adda manen pondo para ti sumaruno a panagited na ti tulong ken inpanamnama na a mairaman dagiti kakailianna ditoy ili ti Cabugao.
Nagyaman ni Vice Mayor Ediboy Cobangbang ti naimpuswan a panangipapaay da Congressman Ronald Singson ken Congresswoman Richelle Singson ti tulongda para kadagiti kakailianda ken marikna ken apresyaren unay daytoy dagiti taga Cabugao.
23 August 2024
#Cabugao